Au i dem Johr wert ‚di blau Zitig‘ – ebe de ‚Hammschnörri‘ – wider d’Presselandschaft vo Schönegrond und Umgebig berichere. Bis d’Zitig voll isch, bruchts aber gad no chli näbis, denn es fählet no en huufe Text! Wenn er mer e Freud mache wönd, denn verpfifet Fründ, Kollege, Nochbure und Bekannti und schicket Entwörf, Schilderige vo Vorfäll oder gern au gad scho fertige Bricht a mi. Mini Poschtadresse:
Guggemusig Bläächi-Lömpe, Redaktion Hammschnörri, Postfach 134, 9105 Schönengrund
No eifacher gohts gad öber d’Homepage. Under ‚Schönegrönder Fasnacht‘ und denn witer uf ‚Hammschnörri‘ chasch gad e Maske usföle und direkt i mini Redaktionsstobe schicke! Ziit hesch nüme lang, denn d’Fasnacht 2013 isch früe und mer mönd scho bald in Drock! Es paar Täg bliibet no und wa bis zom 19. Januar (!!!) bi mer acho isch und mini Zensur passiert, findet Platz.
I freu mi uf vill Poscht!!!!